TIGABINANGA-SINGALORLAU

Save Lau Bengap

2010-11-10T10:48:00.000+07:00

Adi ngerana kerna Tigabinanga/Singalorlau salah sada “icon’ eme Lau Bengap Simalem. Tapi kini Lau Bengap sudah tinggal kenangen, lanai pantas menyandang kata "SIMALEM". Kai penyebabna??? Salah satu dugaan adalah tidak terjaganya vegetasi di daerah hulu dan juga akibat terlalu lamanya pengerukan pasir. Emaka man bandu sitading i kuta kuakap enggo banci iban geraken “Save Lau Bengap”i. Piga-piga kegiatan sibanci silakuken eme: nuan kayu ibas daerah hulu bage pe sepanjang DAS Lau Bengap. Untuk membantu pendanaan banci kuakap ikutip provisi ibas pengusaha kersik si enggo puluhen tahun muat unutng ibas Lau Bengap. Uga kata soranta???

Kai Resolusi Baru Tahun 2010 Ibas Tigabinanga

2010-01-22T11:27:00.002+07:00

Mejuah-juah kita kerina,

Adi isungkun kalak kita, kai nge ndia resolusi simabru ibas tahun 2010 i Tigabinanga gelah banci muat sejahterana masyarakatna??? Uga nge ninta mereken jawaban? Ntah kin sijawab alu kata: "Siumpamana........"

Mari radu ras kita arih-arih gelah Tigabinanga banci reh majuna.

Enggo ka seh musim durin

2009-12-09T10:05:00.002+07:00

“Adi banci mulih kam bulan dua belas enda, sebab sangana musim durin ibas jumanta”, nina sora arah seberang nari lewat telepon.

Rempet mutar kenangen kubas peken bulang. Sebab tahun enda me tahun si sekian kaliken aku la banci menikmati uga tabehna durin ibas peken bulang e.

Lit durin jantung, durin montong, durin mentega ras sidebanna, andiko tabehna tapi ibas ukur nge ngenca……………

2009-12-07T16:59:00.001+07:00

Mejuah-juah man banta kerina,

Tulisen enda sekedar tulisen hasil cakap-cakap ras piga-piga anak Singalorlau bagepe pengalemen pribadi penulis selama piga-piga periode tading ibas taneh Singalorlau. Periode si itulis ijenda eme setiap 10 tahun sekali. Si enda ibahan guna mempermudah ingeten penulis kerna perkembangen ras perubahen sinuan-sinuan ibas taneh Singalorlau. Memang tulisen enda ndauh denga ibas kata sempurna, emaka adi lit saran ras masuken ibas pembaca alu meriah ukur kualo-alo. Mbera-mbera tulisen enda banci mereken sada kenangen man banta kerina.

Periode 1960, eme paksana musim erpage (baca: padi) ibas Singalorlau. Paksa si e page merupaken salah sada unggulen erkiteken janah pengayaken jelma pe terjeng ngukuri man saja ngenca. Amina pe melala hasil rani, biasana labo idayaken tapi ibuniken ibas lumbung guna keperlun ibas tahun sireh (kune kenca la mejile wari/musim). Perjumaan paksa sie pe enggo mbelang seh ku uruk-uruk silit ibas belang-belang taneh Singalorlau. Andiko riahna tupung musim rani pagi, megersing pagena merari…..

Periode 1970, page tetap dengan nge isuan tapi enggo lit sinuan sideban si isuan ras ipetik hasilna eme cengkeh. Bas paksa e, melala kalak jore erkiteken hasil cengkeh. Sienda teridah ibas barang rumah tangga si lit ibas jabu kalak silit batang cengkehna. Ibas masa sie pe enggo lit piga-piga kalak sinekolahken anakna ndarat ibas Singalorlau. Tujun utama eme kota Medan. Ibas akhir periode enda banci ikateken masa-masa emas nuan cengkeh. Ija mulai anak singuda pe banci ndatken sen arah mutiki cengkeh (memisahkan cengkeh dari tandan). Ibas paksa sie hampir lit jemuren cengkeh ilebe-lebe rumah ibas Singalorlau. Andiko riahna ukur adi kena kenca erga si mejile……

Periode 1980, cengkeh enggo mulai erkurang terlebih ka mulai terserang penakit meranggas janah lit ka pe pengaruh ibas BPPC pe ikut turun tangan nangani pemasaren cengkeh,mbue batang cengkeh itabahi erkiteken ianggap rugi. Paksa sie enggo mbue kalak engganti ku rimo, erkitekn idah ibas daerah sideban khususna sekitar Berastagi ras Kabanjahe enggo melala kalak berhasil. Amina nuan rimo termasuk agak terlambat tapi lit kange piga-piga kalak siberhasil arah sinuan enda. Ibas periode enda pe enggo enggo mulai teridah piga-piga kalak sinuan Jong (baca;Jagung) ibas taneh Singalorlau. Janah ibas akhir periode tahun 1980 enggo lit sada-dua kalak sinuan coklat.

Periode 1990, ibas awal tahun 1990 banci ikateken periode emas ras puncak hasil rimo ibas SIngalorlau. Penulis pe nginget denga uga riahna adi seh kenca musim rani rimo ibas kendit kenderan simbelang, tuhu-tuhu sada pengalamen si labanci pulah ibas ingeten segedang geluh. Ibas pertengahen peride enda banci ikataken mulai teridah hasil jong. Emaka mulai pertengahen she ku akhir periode enda tuhu-tuhu taneh Singalorlau jadi terkenal erkiteken hasil ‘jong’ seh ku belang-belang kabupaten sideban bage pe propinsi. Perbahan riahna nuan jong emaka megati kerja tahun pe ihubungken ras rani jong. Adi mbue/berhasil rani jong emaka enggo banci ipastiken kerja tahun pe pasti meriah. She ku akhir periode enda, melala ka pe kalak Singalorlau mbuka juma ku kecamaten sideban (kecematen munte, kecamatan mardingding ras sidebanna).

Periode 2000, Ibas periode enda jong tetap menjadi andalen ibas Singalorlau nari. Tambah si e lit ka hasil sideban si menjanjiken eme buah coklat. Periode enda banci igelari periode “JoCal’ (Jong ras Coklat) erkiten dua hasil enda me simbuena isuan ras ipelihara ibas Singalorlau. Kubegi beritana ibas akhir-akhir periode enda, enggo ka mulai teridah reh buena kalak si ersura-sura nuan cina (baca;Cabe), kerna sienda penulis ndatken informasi ibas piga-piga kalak Singalorlau sijumpa ras penulis piga-piga waktu silewat ibas taneh perantauan.

Ngidah uga dinamisna perkembangen sinuan-sinuan ibas Singalorlau, emaka prediksi penulis ibas perioed sireh enda pe banci saja jong mulai ikurangi bage pe coklat. Sienda tentu lit hubungen uga permintaan pasar baik secara lokal-regional-nasional she ke internasioanl. Adi ngidah uga ‘keluwesan’ petani ibas Singalorlau nangdangi permintaan pasar, banci isimpulken alu sementara makana petani Singalorlau cenderung ‘siap’ ibas mengantisipasi kecenderungen perubahan permintaan pasar.
Semoga………………

Bogor, Desember 2009

Kenangen Ingan Ridi Ibas Tigabinanga

2009-12-01T14:31:00.002+07:00

Mejuah-juah man banta kerina,

Arah tulisen enda ateku gelah kita erdiate man lingkungen, sebab piga-piga ingan ridi si kusuratken enda rontang perbahan kinilangasupenta njaga lingkungen.

1. Lau Bengab. Lau bengab e me ingan ridi si paling terkenalna ibas kota Tigabinanga. Tupung mbelin lau (musim banjir), megati enterem jelma muat ranting sinibaba lau ibas gugung nari (Kuta Raja ras Kuta Galoh) guna kayu bakar (tupung si e gas lenga lit janah sitik ngenca keluarga si make kompor minyak tanah). Adi tupung kerja tahun, lau bengab menjadi ajang reunian man kalak perantau si enggo ndekah nadingken Tigabinanga, sambil ridi sambil cerita masa lalu. Gundari, kenangen e tading risona nari ngenca.

2. Lau Batu. Lau Batu inganna arah kenjulu lau bengab. Gelar lau e sesuai ras situasi sekelilingna ija ikelilingi batu-batu cadas si terjal. Emaka arus lau pe deras. Lau batu eme sada ingan simegati ijadiken anak-anak ingan mantem takal (terjun bebas dengan posisi kepala menghujam permukaan sungai) datas batu nari. Emaka megati rusur terjadi kekonyolan-kekonyolan kecil bage: takal bocor, bibir pecah, ipen naktak/copot ras sidebanna. Kondisi gundari kuakap enggo bali ras lau Bengab, tading risona.

3. Tapin Pa taheng. Tapin enda igelari tapin Pa Taheng erkiteken ingan enda ingan ridi bapa Taheng, janah ia me sipemena mbersihken ras ngerawat tapin enda. Emaka tangkas ingan enda igelar tapin Pa Taheng (ingan ridi bapaknya si Taheng). Tapin enda inganna ibas kenjahe Lau Bengab. Tapin end ape nasibna bali ras Lau Bengab ras lau Batu, tading risona kerina.

4. Lau RUAm, Lau Ruam identik ras Jalan Ruam, perbahan si ridi ije mayoritas kalak si rumahna ibas jalan ruam. Adi nai, adi lit kenca kalak silatading ibas jalan ruam (atau kerabat dari salah satu keluarga jalan ruam) ridi ibas lau ruam, maka megati ‘i ganggui’. Uga gundari kondisi Lau Ruam? Aku labo kueteh uga kondisina gundari.

Merga Tarigan dan Cabang-cabangnya

2009-11-24T16:34:00.000+07:00

1. Tarigan Sibero di Juhar, Kutaraja, Keriahen, Munte, Tanjung Beringin, Selakar, dan Lingga.
2. Tarigan Tua di Pergendangen.
3. Tarigan Silangit di Gunung Meriah.
4. Tarigan Tambak di Kebayaken dan Sukanalu.
5. Tarigan Tegur di Suka.
6. Tarigan Gersang di Nagasaribu dan Berastepu.
7. Tarigan Gerneng di Cingkes (Simalungun).
8. Tarigan Gana-gana di Batukarang.
9. Tarigan Jampang di Pergendangen.
10. Tarigan Tambun di Rakutbesi, Binangara, Sinaman dll.
11. Tarigan Bondong di Lingga.
12. Tarigan Pekan (Cabang dari Tambak) di Sukanalu
13. Tarigan Purba di Purba (Simalungun)

Pelajaran 1: Nama Mata Angin

2009-11-20T13:57:00.001+07:00

Delapan penjuru mata angin dalam bahasa Karo:

1. Purba (Timur)
2. Aguni (Tenggara)
3. Daksina (Selatan)
4. Nariti (Barat Daya)
5. Pustima (Barat)
6. Mangabia (Barat Laut)
7. Butara (Utara)
8. Irisen (Timur Laut)

Potensi Pertanian Campuran di Tigabinanga: Opini dan Harapan

2009-11-19T11:08:00.000+07:00

Kurangnya informasi tentang manajemen pertanian kepada masyarakat petani di kecamatan Tigabinanga dipercaya sebagai salah satu sebab tidak berkembangnya kehidupan para petani. Padahal sudah sering Perguruan Tinggi mengadakan kuliah kerja nyata (KKN), petugas penyuluh pertanian (PPL) juga sudah sering memberikan arahan dalam bentuk teori dan praktek untuk meningkatkan pengetahuan dan kesadaran masyarakat tentang pengelolaan pertanian. Namun belum terlihat hasil yang memuaskan, peran PPL pun dirasakan masih sangat jauh dari yang diharapkan. Terus apa sebenarnya yang dibutuhkan oleh masyarakat petani di Tigabinanaga? Padahal kalau pola pertanian dikelola dengan baik, bukan tidak mungkin kabupaten Singalorlau (ini harapan penulis) dengan potensi besarnya akan ”leading” dibidang pertanian tanaman campuran.

Kehidupan petani yang masih mengandalkan jagung dan cacao sebagai penghasilan sehari-hari sebenarnya sudah kurang memadai bagi pertumbuhan penduduknya. Selain itu masyarakat juga memanfaatkan hasil sampingan musiman sebagai tambahan, itu jelas tidak cukup untuk kebutuhan ekonomi dan sosial lainnya. Maka tak heran banyak petani berusaha menanam jagung dua kali dalam satu tahun dalam satu lahan. Untuk menutupi kekurangan unsur hara di tanah akibat dipaksakan untuk selalu bekerja, maka ketergantungan terhadap pupuk anorganik sangatlah tinggi. Maka tidak usah heran, begitu ada berita kenaikan harga pupuk maka sontak wajah para petani menjadi lesu. Sistem pertanian campuran (mengkombinasikan beberapa jenis tanaman dalam satu lahan) adalah pilihan yang tepat. Disamping luas kepemilikan lahan setiap rumah tangga yang kecil, resiko kegagalan akibat gagala panen juga bisa dikurangi dengan menerapkan pola ini. Dengan sistem pertanian tanaman campur diharapkan petani akan memiliki penghasilan yang berkesinambungan.

Kehadiran sebuah lembaga pendamping dalam rangka membangun motivasi para petani dari lahan yang ada dan sumberdaya manusia yang mendukung, sangat besar manfaatnya terhadap kesuksesan pola pertanian dengan model seperti ini. Pertanyaan selanjutnya adalah: ”kapan dan bagaimana caranya memulai pertanian campuran tersebut? Adn siapa sebaiknya yang memulai? Semoga saja pertanian campuran berbasis pepohonan cepat terlaksana di kampungku ”Singalorlau Simalem”.

KENANGEN SEKOLAH TARUM BARU (SD 3)

2008-11-26T14:27:00.000+07:00

Mejuah-juah,

Adi kin kalak singalorlau, kuakap megi kata "TARUM BATU" pasti nge arahna ku sada sekolah dasar (SD) silit bas dalan Juhar, Tigabinanga. Enggkai makana egelar SD Tarum Batu?? enda perbahan sekolah enda ibas jamanna make Batu Granit sitebal, emaka seh maka dunga penggelarina pe TARUM BATU. Kenca masuk ku era tahun 70-en seh asa gundari sekolah enda igelari SD Telu (SD 3) Tigabinanga.

Sekolah enda ingana meganjang sitik, janah la ndauh ku tiga. Emaka tupung wari selasa (wari tiga), megati jam istirahat anak-anak belanja martabak mbengkok entah pe mi ropah ras kue pancung, hehehehhe. I tengah-sekolah e mbarenda lit batang sawit (oil palm) ras tusam (pinus). emaka adi musim erbuah sawit e, megati kang ipangani buah sawit e, tuhu-tuhu seh kel riahna.

Terlepas ibas gelarna, sekolah enda enggo melala mencetak intelektual-intelektual ibas tanah singalorlau nari. Janah alumni ibas sekoah enda nari pe erbage-bage nge macamna, lit si erpangkat jendral, profesor, pengusaha, executive muda janah lit ka nge jadi perjuma.

Adi kuinget kerna sekolah enda, ijenda me aku selama 6 tahun ididik guru-guru sisehkel pentarna janah tuhu-tuhu erkeleng ate man anak-anak didikna. Aku masuk sekolah ibas SD enda tahun 1980-1981. Tupung si e, guru kelas I eme mama (ersentabi aku) Landok Sebayang (singkatena L.Sebayang). Guru enda seh kel disiplina ras tuhu-tuhu adi erlajar erlajar enca itehna. Sada hal sikuinget kel bas bapak LS enda, adi erbahan pertanyaan man murid megati babana rusur "mistar" (penggaris-red), emaka adi la siban pas jawabna minter nari penggrais enda ndai ndarat datas takalta. Janah megati rusus jam nangdangi mulih, ibanna ka pertanyaan 'lomba-lomba pulang'. Adi tenteng siban jawabna banci mis mulih. Ach....bujur melala bapak L.Sebayang ibas pengajarndu.

Teman-teman sada angkaten tupung kelas I eme: Ferianto Ginting, Wibawa Ginting, Dewi Sari br Ginting, Feritas Sembiring, Surya Darma Tarigan (anak Kepala sekolah) Pergendangen nari, Gempar Tarigan, Murniati br Surbakti, Ernita br Ginting, ras teman-teman sideban silanai kuinget gelarna. Teman-temanku kerina ija nge gundari cibalndu?? adi datndu web enda, ula kam mela-mela hubungi aku.

Uga nge ndia gundari SD kami enda??? Lit denga nge kebanggaan anak singalorlau nangdangi sekolah enda? Entah kin gundari lanai bo jadi sekolah favorit i singalorlau???

DURIN PEKEN BULANG

2008-11-26T13:03:00.001+07:00

Adi enggo kenca seh musim liburen, biasana kempu-kempu bulang erlomba reh ku tigabinanga. Apalagi ka adi pas musim durin, e...enggo me guntar peken bulang ibahan kerina kempu-kempuna guna nimai-nimai ndaboh durin. Adi durin bulang i Tigabinanga enggo me itandai kalak, perbahan banci ikataken i Tigabinanga durin bulang ngenca seh ku tiga. Adi durin sideban keri-keri ipan saja ngenca.

Sejarah maka lit durin bulang i Tigabinanga pe labo terlepas ibas sejarah nini bulangku (+) si tading i Tigalingga. Durin silit i peken bulang gundari enda asalana i Tigalingga nari nge. Nai ope lenga lit durin i peken, megati bulang ngataken: Adi pagi enggo lit kempungku, ateku gelah i peken Tigabinanga enda lit batang durin gelah banci kerina kempu-kempungku ngenanami surin bage engko mbaraneda ke Tigalingga nina.

Gundari enggo seh sura-sura bulang, kerina kempuna enggo banci man durin i peken Tigabinanga. Cuma kepu-kem[pu bulang si tading i Jakarta ras Bogor labanci setiap musim durin man durin i Tigabinanga, erkiteken labanci tiap tahun mulih ku kuta. Labo dalaih bulang, kami anak-anakndu ras kempu-kempundu kerina tuhu-tuhu bangga man bulang ras bayang.

WARI SELASA TIGABINANGA

2008-11-26T12:59:00.000+07:00

Wari enda wari selasa, wari tiga i singalorlau.

Iyah, me enggo nge sikapkendu kerina siman baban kutiga nande sopelenga? nina perbapan man ndeharana. Kam pe bapa sope lenga, labo urupindu kita, ngeranai saja atendu silalap.Kam isungkuni, malah repetndu ka reh nina perbapan ngaloi ndeharana. Adi bage kin kai nari kin silenga beres gelah kusikapken nina perbapaan ndai. Emaka enca enggo sikap kerina, alu meriah ukur perbapaan ras pernanden enda ndai berkat kutiga guna ndyakaen ulih juma nari. enda piga-piga siibabana kutiga:

Coklat
Lewuh
Cina
Bungke ras sidebanna

Enca mulih tiga nari, bage biasana perbapan singgah i kede kopi jumpa ras teman-teman si sada dahin (perjuma). Tupung wari tiga, biasana inemen pe kopi susu entah teh susu gelah reh mantapna percakapen. Seh ben wari maka mulih ku rumah (biasana ipas-pasken kira-kira enggo tasak nakan ibahan ndeharana, hehehehehehehe).

Bagenda me kira-kira pergeluh kalak perjuma-juma i tigabinanga tupung kenca wari Selasa, janah asa gundari banci dengan nge sijumpai i tigabinanga sirulo.

MEJUAH-JUAH NAKE !!!

2008-11-26T12:51:00.000+07:00

Mejuah-juah man banta kerina, khususna man bandu sireh arah singalorlau nari. Mari singgah kam ku kedenta enda gelahna banci kita sitandanan janah erbual ras ercakap-cakap kerna kuta kemulihenta. Arah kede enda mari sicakapken kerna perkembangen kuta kemulihenta ras uga ninta guna memajuken kutanta.